روضۂ مقدسہ
انتہائی خوبصورت جزیرہ نمابنا ہوا ہے۔ جو دور سے اچھاخاصاقلعہ معلوم ہوتا ہے۔ گول ٹیلے کے اوپر روضۂ مقدسہ ہے، تین سمت سے نیر شریف احاطہ کیے ہوئے ہے، مشرق کی جانب ایک راستہ ہے۔ اسی طرف صحن بھی ہے، صحن سے روضۂ مقدسہ کے اوپر جانے کے لیے سیڑھیاں بنی ہوئی ہیں اورنیچے سیڑھیوں کے داہنی طرف مردانی مسجد ہے اور بائیں جانب زنانی مسجد ہے۔ اوراوپربیچ وبیچ ایک گنبد بنا ہواہے، جس میں آپ کا مزار پرانوار ہے، آپ کے بائیں پہلو میں پورب کی جانب آپ کے فرزند معنوی حضرت نورالعین کا مزار پاک ہے، گنبد کے باہر سامنے آپ کے سجادہ نشینوںکے مزارات ہیں، مغربی سمت ایک تاریخی مسجد ہے جومسجد اولیاء کے نام سے مشہور ہے۔
تعمیر روضۂ مقدسہ
روضۂ مقدسہ کی تعمیر کا کام حضرت غوث العالم کی حیات طیبہ میں ہوا۔ جوگی کے ہٹنے کے بعد حضرت اپنے اسباب و اصحاب کے ساتھ اسی جگہ قیام فرما ہو گئے، اور ملک محمود نے روضہ کی تعمیر کا کام شروع کردیا۔ روضۂ مقدسہ اسی گول ٹیلہ پر بنایا گیا جس کے اوپر جانے کے لیے سیڑھیاں بنی ہوئی ہیں، اس جگہ کی ابتدائی تعمیر میں تین سال لگے۔ اس کانقشہ آپ کی پہلی ہی آمد میں بن گیا تھا۔ روضہ کے اوپرحضرت کے لیے ایک حجرہ تیار کیا گیا تھا۔ اس کانام”وحدت آباد“ رکھا گیا۔ اس حجرے کی تعمیرمیں الله والوں نے کام کیا، ایک معمار تھا اور اینٹ اورگارا دینے والے آپ کے خلفاء ومریدين تھے، اوراس تعمیر میں چھوٹے بڑے سبھی مریدین نے ہر طرح حصہ لیا، تقريباً دس بارہ سال میں یہ روضہ پایۂ تکمیل کو پہنچا۔ باہر ملک محمودنے ایک خانقاہ بنوادی تھی،جس میں مریدین اکٹھا ہوتے تھے، اس کانام ”کثرت آ باد“ رکھا۔
نیر شریف
ٹیلہ کے پاس جو تالاب تھا اس کی تو سیع اور نیر”شریف“ کی کھدائی کا کام ملک محمود کے سپرد کیاگیا، اور در ویشوں کی بہت بڑی جماعت یہاں رہنے گی، جن کا کام فرائض و نوافل سے فارغ ہونے کے بعد”نیر شریف“ کاکھودناتھا، نیر کی کھدائی اس اہتمام سے ہوئی کہ پھاوڑے کی ہرضرب ضرب حدّادی اور ذکر لا إلہ إلا اللہ کے ساتھ لگتی تھی، جس میں اولیاء اللہ اور در ویشوں کے ساتھ خود آپ اور آپ کے خلفاء بھی شامل ہوتے تھے۔ آپ کے عدم موجودگی میں آپ کی نیابت آپ کے خلیفہ حضرت شیخ کبیر کے سپرد ہوئی، جب نیر شریف کی کھدائی روضۂ مقدسہ کے تینوں طرف ہوگئی تواس میں سات بار آب زم زم کافی مقدار میں ڈالا گیا۔ نیر شریف کا پانی پاگل، مسحور، آسیب زدہ اور مریضوں کے لیے آب حیات کا کام کرتا ہے۔ حضرت عبد الرحمن چشتی ”مرأۃ الاسرار“ میں نیر شریف کے بارے میں فرماتے ہیں:۔
”آب آں حوض ہرگز گندانمی شود و آسیب زدہ شقایابد“
یعنی اس حوض کاپانی کبھی گندا نہیں ہوتا اور اس سے آسیب زدہ شفاپاتے ہیں۔
For Contact Us
Go to Contact Page
or
Mail:contact@makhdoomashraf.com
Cal:+91-9415721972